Ndondomeko Zambula Kuchichizga Zakuchiskira Ntchito Zichokozichoko Zakukhaliska za Ulovi
No hay miniatura disponible
Fecha
Autores
Título de la revista
ISSN de la revista
Título del volumen
Editor
FAO ;
Resumen
Descripción
Chida chakwamba cha vyalo vyose icho chakhazikiskika ku ntchito za ulovi udokoudoko ni ndondomeko zapadera za ntchito za ulovi udokoudoko wakukhaliska iyo yikuchemeka Sustainable Small-scale Fisheries (SSF) guidelines. Kukhazikika kwa ndondomeka izi kukazgomerezgeka na komiti ya ntchito za ulovi yakuchemeka Committee on Fisheries (COFI) mu chaka cha 2011. Ndondomeko izi zikusazgirapo pa ndondomeka zinyakhe za vyalo vyose zakukhwaskana na ulovi uwemi (Code of Conduct for Responsible Fisheries), ndondomomeko zakujipereka za kendeskelo ka malo (Voluntary Guidelines to Tenure), na ndondomeko za wanangwa wakukhala na chakulya (Right to Food Guidelines). Kweniso zikwimilira chipulikano cha ndondomeko za chalo chose na kendeskelo ka ulongozi na kulutiska panthazi ntchito za ulovi udokoudoko. Ndondomeko izi zikalembekera ntchito za ulovi udokoudoko ndipo zikalembeka pamoza na bayimilili ba mawupu ghakwimilira bantchito za ulovi udokoudoko, bakuruska 4 000 kwambira mçhaka cha 2011 mpaka 2013, mwakulongozgeka na wupowa FAO, na ulongozgi wa COFI. Ndondomeko izi zili kulembeka kwa bose abo bakugwira ntchito ya ulovi wakupambanapambana, na kukhumba kulongozga na kulimbikiska ma boma, madera agho mukuchitikira ntchito za ulovi namawupu ghakupambanapambana kuti bagwire ntchito pamoza, nakuoneseska kuti somba zikupwelelereka nakupindulira balovi badokobadoko kwa nyengo yitali, bakugwira ntchito za ulovi, dera lose na chalo chose. Mwakulongozgeka na nkhani ya wanangwa wa banthu, ndondomeko izi zikwimilira chida chakukhumbikwira chakutukulira madera agho ghakuchita ntchito za ulovi udokoudoko kusazgirapo magulu gha banthu awo mbakusuzgika na awo bakuswayika kuti batolepo lwande pakupanga nawo viganizgo nakutola wendesko wantchito yakupwelerera na kugwiriska ntchito somba kwa nyengo yitali.