ការគ្រប់គ្រងលើកង្វះខាតទឹកនៅអាស៊ី និងប៉ាស៊ីហ្វិក - សង្ខេប
No hay miniatura disponible
Fecha
Autores
Título de la revista
ISSN de la revista
Título del volumen
Editor
FAO ; Australian Water Partnership (AWP) ;
Resumen
Descripción
នៅតំបន់អាស៊ី-ប៉ាស៊ីហ្វិក៖ ធនធានទឹកគឺជាមូលដ្ឋាននៃកសិកម្មសំបូរបែប និងការអភិវឌ្ឍសេដ្ឋកិច្ច។ ប៉ុន្តែ នៅពេលដែលមានការកើនឡើងនូវតម្រូវទឹកដោយសារកំណើនប្រជាជន ការអភិវឌ្ឍន៍ឧស្សាហ៍កម្ម និងនគរូបនីយកម្ម និងការប្រែប្រួលអាកាសធាតុកំពុងធ្វើឲ្យធនធានទឹករងនូវការគំរៀមកំហែង។ ដូចគ្នាទៅនឹងតំបន់ផ្សេងៗលើពិភពលោកដែរ តំបន់អាស៊ី-ប៉ាស៊ីហ្វិកកំពុងប្រឈមនឹងការកើនឡើងនៃកង្វះខាតទឹកដែលមានចរិតលក្ខណៈ មូលហេតុ និងនិន្នាការខុសៗគ្នានៅក្នុងប្រទេសនីមួយៗអាស្រ័យទៅតាមកម្រិតនៃការអភិវឌ្ឍខុសៗគ្នា។ ខណៈពេលដែលគោលនយោបាយ និងយុទ្ធសាស្ត្រគ្រប់គ្រងកំពុងតែអភិវឌ្ឍនៅគ្រប់ប្រទេសទាំងអស់ក្នុងតំបន់ ការយល់ដឹងអំពីភាពខុសគ្នានៃលំហ និងពេលវេលានៃការខ្វះខាតទឹកគឺនៅមានកម្រិត ហើយការអនុវត្តន៍នៅតាមប្រទេសនីមួយៗក៏នៅមានភាពខុសៗគ្នាខ្លាំង។ ដំណោះស្រាយលើការខ្វះខាតទឹកដែលបានធ្វើជាញឹកញាប់កន្លងមក គឺការដោះស្រាយជាមួយបញ្ហាបន្ទាន់ដូចជាគ្រោះរាំងស្ងួត ឬ ជម្លោះរវាងអ្នកប្រើប្រាស់ទឹក។ ថ្វីបើភាគច្រើនមានគោលនយោបាយថ្នាក់តំបន់ និងថ្នាក់ជាតិក៏ដោយ ច្បាប់ជំនួយ កម្មវិធីអភិវឌ្ឍន៍ ឬ ធនធានគ្រប់គ្រាន់សម្រាប់ការអនុវត្តន៍ឱជោគជ័យនៅមានការខ្វះខាតខ្លាំង។ ការគ្រប់គ្រងការខ្វះខាតទឹកខុសគ្នាទៅតាមតំបន់នីមួយៗ។ ទោះបីជាច្បាប់ និងគោលនយោបាយគ្រប់គ្រងទឹកថ្នាក់តំបន់ និងថ្នាក់ជាតិជាទូទៅត្រូវបានអភិវឌ្ឍន៍យ៉ាងល្អក៏ដោយ ការអនុវត្តន៍ និងការគោរពទៅតាមច្បាប់ និងគោលការណ៍ទាំងនោះនៅមានកម្រិត ដោយហេតុផលជាច្រើនរួមមាន ធនធាន និងសមត្ថភាពមិនគ្រប់គ្រាន់ ទំនាស់គោលដៅ និងផលប្រយោជន៍សេដ្ឋកិច្ច ពុករលួយ ឬ មិនមែនជាអទិភាពរបស់រដ្ឋាភិបាល។.