Консепсияи рушди соҳаи тухмипарварӣ дар Ҷумҳурии Тоҷикистон то соли 2030
No hay miniatura disponible
Fecha
Título de la revista
ISSN de la revista
Título del volumen
Editor
FAO ;
Resumen
Descripción
Ҳуҷҷати мазкур дар доираи лоиҳаҳои ФАО (GCP/INT/123/MUL: Рушди соҳаи тухмипарварии кишварҳои аъзои Ташкилоти ҳамкории иқтисодӣ (ЭКО) ва GCP/TAJ/010/AUS: Беҳтар намудани дастрасии хоҷагиҳои хурд ба тухмии баландсифат дар Тоҷикистон) ва дар ҳамкорӣ бо мутахассисони Вазорати кишоварзӣ омода гардидааст.
Шароити мусоиди хоку иқлими Тоҷикистон имконият медиҳад, ки на танҳо бозори дохилӣ бо тухмии навъу дурагаҳои баландҳосили растаниҳо таъмин гардад, балки тухмӣ барои фурӯш берун аз ҳудуди мамлакат низ истеҳсол карда шавад. Аз ин рӯ, сиёсати рушди тухмипарварӣ бояд натанҳо барои таъмини бозори дохилӣ, балки содирот низ нигаронида шавад. Чунин муносибат имконият медиҳад, ки самаранокии соҳа ва даромаднокии истеҳсолот моҳиятан баланд бардошта шавад. Дар гузаштаи начандон дур, селексия ва тухмипарварӣ дар ҷумҳурӣ ба пуррагӣ аз ҳисоби буҷаи давлат маблағгузорӣ мегардиданд. Вале бар асари ҷорӣ намудани ислоҳоти иқтисодӣ ва рӯй овардан ба иқтисоди бозаргонӣ маблағгузории ин соҳаҳо нисбатан кам гардидааст. Дар натиҷа, дар мамлакат, дар баробари тухмипарварии ҷамъиятии бартаридошта, сектори хусусии тухмипарварӣ низ ба миён омад, ки дар зинаи ибтидоии тараққиёт қарор дорад. Ҳарчанд хоҷагиҳои алоҳидаи тухмипарварие ҳастанд, ки бо воридсозии навъҳои нав, бахусус навъҳои зироатҳои ғалладонагӣ ва сабзавот, санҷиш, афзункунӣ ва фурӯши тухмиҳо, чӣ дар дохили мамлакат ва чӣ берун аз он, натиҷаҳои хуб ба даст оварда истодаанд, вале дар сатҳи ҷумҳурӣ вазъи имрӯзаи тухмипарварӣ ба талаботи истеҳсолот ҷавобгӯ нест. Аз ин рӯ, таҳия ва қабули Консепсияи рушди соҳа, ҳамчун ҳуҷҷати муайянкунандаи сиёсати соҳаи тухмипарварӣ, амали муҳим ва саривақтӣ ба ҳисоб меравад.